Во име на Министерството за јавна администрација и во мое лично име, го честитам меѓународниот ден на Власите – ден посветен на зачувувањето и афирмацијата на вашата богата историја, култура и јазик.
Власите имаат длабоки корени во нашето општество и претставуваат значаен дел од културниот мозаик на Република Македонија. Преку нивната традиција, вредности и активен придонес во сите општествени сфери, ја градиме нашата заедничка иднина во духот на меѓусебно почитување, соживот и еднаквост.
Нека овој ден биде потсетник на гордото наследство што го носат, но и поттик за идни генерации да ја продолжат традицијата со достоинство и самобитност.
Со почит,
Горан Минчев
Министер за јавна администрација
Република Македонија