Почитувани,
Имаме особена чест и задоволство да Ве поканиме да земете учество на Генеричките обуки за административни службеници кои ќе се одржат на настанот под наслов:
„Инвестицијата во административните службеници е инвестиција во иднината на јавниот сектор“,
во организација на Министерството за јавна администрација на Република Северна Македонија.
Обуките ќе се одржат на 18 септември 2025 година во хотел DoubleTree by Hilton, Скопје, со почеток во 10:00 часот.
Преку програмата ќе бидат опфатени до 1000 административни службеници, кои ќе имаат можност да посетат генерички обуки на теми поврзани со:
- управување со промени,
- стратегии и иновации,
- проектен менаџмент.
Своето знаење и искуство ќе ги споделат домашни и меѓународни експерти, со фокус на иднината на јавниот сектор и развивањето на клучните компетенции.
Со оваа иницијатива, Министерството за јавна администрација го продолжува континуираното вложување во модернизација, професионален развој и градење капацитети, за создавање јавна администрација подготвена да одговори на предизвиците на современото време.
Агендата Ви ја доставуваме во прилог.
Искористете ја можноста и пријавете најмногу до 2 вработени лица од вашата институција.
Пополнувањето на формуларот на следниот линк е задолжително со цел на крајот на обуката да бидат доделени сертификати за учество на обуката.
Линк до формулар: https://forms.gle/5tyekQqpM3wFbjya7
Ќе ни биде особена чест да присуствувате и да бидете дел од овој значаен процес на учење и развој.
Со почит,
Министерство за јавна администрација
