,,САД се стратешки пријатели на Македонија и во пракса го прикажуваат тоа преку меѓународната поддршка, проектите и заедничките активности. Затоа е секогаш чест на ваквите средби да ги подвлечеме досегашните достигнувања и да зацртаме нови“.
Ова меѓу другото го рече министерот Андоновски, на работната средба со амбасадорката на Соединетите Американски Држави, Н.Е. Анџела П. Агелер, која што помина во конструктивна и срдечна атмосфера.
Во фокусот на разговорите беше меѓусебната соработка и тековните и идни активности во Министерството за дигитална трансформација во насока на остварување на стратешките цели и приоритети во корист на граѓаните.