Денес во просториите на Министерството за јавна администрација се одржа втората седница на Секретаријатот за реформа на јавната администрација, со која претседаваше заменик-министерот за јавна администрација, Лазе Јаќимоски.
На седницата беа разгледани и усвоени точки на дневниот ред поврзани со нацрт-годишниот извештај за имплементација на Акцискиот план на Стратегијата за реформа на јавната администрација (2023 – 2030) за 2023 година.
Дополнително беше нагласено значењето на континуираното следење и евалуација на реформските активности за постигнување на целите дефинирани во Стратегијата за реформа на јавната администрација.
Присутните членови дискутираа за досегашните успеси и предизвици во спроведувањето на Акцискиот план, при што беа дадени конкретни препораки за подобрување на ефикасноста на јавната администрација.
Министерството за јавна администрација останува посветено на транспарентна и инклузивна имплементација на реформските процеси, кои се од клучно значење за подобрување на јавните услуги и зајакнување на довербата на граѓаните кон институциите.
