Një delegacion i Qeverisë së Republikës së Maqedonisë së Veriut, i udhëhequr nga Ministri i Administratës Publike, Goran Minçev, sot vendosi lule të freskëta në vendin e pushimit të përjetshëm të Presidentit të parë të Maqedonisë së pavarur, Kiro Gligorov, në Varrezat e Qytetit të Butelit në Shkup.
Ky akt është një shprehje respekti për jetën dhe veprën e Presidentit Gligorov, i cili e dedikoi jetën për vizionin e një Maqedonie paqësore, stabile dhe të begatë.
Delegacioni e kujtoi udhëheqjen e tij të mençur gjatë një periudhe të vështirë nga historia e shtetit tonë, si dhe rolin e tij në sigurimin e pavarësisë përmes rrugës paqësore.
Ministri Minçev theksoi se vepra e Kiro Gligorovit është e ngulitur thellë në themelet e shtetit modern maqedonas dhe se vizioni i tij vazhdon të frymëzojë breza të tërë.
"Kiro Gligorov ishte simbol i mençurisë, dinjitetit dhe përgjegjësisë shtetërore. Angazhimi i tij për demokracinë dhe sovranitetin mbetet një pikë udhëheqëse në historinë tonë," theksoi Minçev.
Vendosja e luleve është pjesë e aktiviteteve të Qeverisë për të shënuar rëndësinë e figurave kyçe dhe kontributet e tyre në krijimin e një Republike të Maqedonisë së Veriut moderne dhe të begatë.
