Ministri i Administratës Publike, Goran Minchev, sot zhvilloi një takim pune me drejtoreshën e ReSPA-s, znj. Maja Handzjiska Trendafilova.
Ministri Minchev e informoi drejtoreshën e ReSPA-s për aktivitetet prioritare të Ministrisë së re të Administratës Publike. Në fokus të bisedimeve ishte bashkëpunimi i shkëlqyer dhe mbështetja e ardhshme, si dhe mundësitë për të shfrytëzuar mekanizmat e ReSPA-s që vendi ynë mund të përfitojë si shtet anëtar.
Drejtoresha e ReSPA-s, znj. Trendafilova, e informoi ministrin për misionin dhe funksionimin e ReSPA-s, e cila ka si qëllim të mbështesë krijimin e institucioneve të administratës publike të hapura, përgjegjëse dhe profesionale që ofrojnë shërbime efikase për përfitimin e qytetarëve dhe bizneseve.
Konkretisht, aktivitetet e ReSPA-s janë të orientuara gjithashtu në organizimin dhe dorëzimin e trajnimeve, konferencave, ngjarjeve dhe botimeve, të cilat kanë për qëllim të transferojnë njohuri dhe aftësi të reja, si dhe të lehtësojnë shkëmbimin e përvojave brenda rajonit, ndërmjet rajonit dhe shteteve anëtare të BE-së.
Ministri Minchev shprehu mirënjohje për kontributin dhe mbështetjen që ReSPA-ja ofron për vendin tonë në proceset kyçe të reformave dhe shpreson që bashkëpunimi të vazhdojë edhe në të ardhmen.
Këtë vit, Maqedonia e Veriut kryeson ReSPA-n.
