Информации од јавен карактер

Договор бр.	Налогодавач	Опис	Вредност на договор без ДДВ
14/4-1813/51	Македонија лек	ДЕЛ 1: Заштитни маски за лице ДЕЛ 4: Раствор за чистење и дезинфекција и алкохол за хигиена на раце	111.000 ден.
14/4-1813/50	Зегин ДОО	ДЕЛ 2: Гел за хигиена на раце	170.836 ден.
14/4-1813/49	Медикус хелп	ДЕЛ 3: Заштитни ракавици ДЕЛ 5: Бришачи за раце	136.200 ден.

 

 

Барање за пристап до следната информација: Стапката на административните службеници кои го напуштаат работното место и колку од тие испразнети работни места се пополнуваат (Доколку си заминале 10 лица, дали се пополнуваат со 10 нови) Доставена информација: Согласно податоците во Информациониот систем за управување со човечки ресурси, во 2019 година 1.358 вработени административни службеници имале прекин на работниот однос. Во продолжение е прикажан преглед на бројот на вработени административни службеници според причина на прекинот на работниот однос.

 

 

Причина за прекин	Број на адм.службеници
во други случаи утврдени со закон и колективен договор	109
по негово барање	184
по сила на закон ја загуби работната способност со денот на доставувањето на правосилното решение за утврдување на загубената работна способност;	9
по сила на закон биде осуден за кривично дело во врска со службената должност, со денот на правосилноста на пресудата;	2
по сила на закон во рок од три работни дена не се врати на работа по завршувањето на неплатеното отсуство поради стручното оспособување или усовршување;	16
по сила на закон наврши 64 години старост (Старосна пензија);	679
по сила на закон неоправдано отсуствува од работа најмалку три работни дена последователно во еден месец;	49
по сила на закон поради издржување на казна затвор во траење подолго од шест месеца, со денот на започнувањето на издржување на казната;	1
Поради отказ	58
поради смрт	70
Прекин заради предвремено пензионирање	27
Прекин заради технолошки вишок	4
со спогодба	150
ВКУПНО	1.358

 

 

Според податоците во Информациониот систем за управување со човечки ресурси, во 2019 година пополнети се вкупно 3.165 работни места на административни службеници со лица кои немале претходен работен однос во институции на јавниот сектор. Овие 3.165 вработувања се реализирани во 417 институции на јавниот сектор. Барање за пристап до следната информација: Просечна вкупна годишна плата за различни категории на вработени? Информациониот систем за управување со човечки ресурси содржи Модул за пресметка на плата. Овој модул во активно го користат 27 институции во јавниот сектор и тоа:

 

• Министерство за економија
• Министерство за земјоделство, шумарство и водостопанство - Управа за хидрометеоролошки работи
• Државна комисија за спречување на корупцијата
• Влада на Република Македонија - Секретаријат за европски прашања
• Министерство за правда - Управа за извршување на санкциите
• Министерство за економија - Биро за метрологија
• Секретаријат за спроведување на рамковниот договор
• Министерство за информатичко општество и администрација
• Државна комисија за жалби по јавни набавки
• Агенција за остварување на правата на заедниците
• Влада на Република Македонија - Секретаријат за законодавство
• Министерство за земјоделство, шумарство и водостопанство
• Министерство за култура
• Министерство за здравство
• Министерство за правда
• Министерство за транспорт и врски
• Служба за општи и заеднички работи
• Државен завод за индустриска сопственост
• Министерство за локална самоуправа
• Министерство за животна средина и просторно планирање
• Агенција за храна и ветеринарство на Република Македонија
• Македонска академска истражувачка мрежа Скопје
• Геолошки завод на Република Македонија
• Инспекциски совет
• Министерство за локална самоуправа - Државен инспекторат за локална самоуправа
• Министерство за правда-Биро за застапување на Република Северна Македонија пред Европскиот суд за човекови права
• Влада на Република Северна Македонија (Генерален секретаријат)

 

Доставена информација: Врз основа на податоците за наведените 27 институции, кои пресметуваат плата за вкупно 4.992 вработени, ги приложуваме следните информации како одговор на вашето прашање:

 

Категорија	Просечна годишна бруто плата
А	975.895
Б	620.222
В	424.657
Г	275.769

 

 

Барање за пристап до следната информација: Во периодот од 2017 до 2019 година, дали Министерството за информатичко општество имало отворени повици за доделување на средства за здруженија на граѓани? На колку здруженија има доделено средства за активности и проекти, да се наведат имињата на здруженијата Доставена информација: Министерството за Информатичко општество и администрација во периодот од 2017 до 2019 година, нема доделено средства за активности и проекти, односно нема отворени повици за доделување на средства за здруженија на граѓани. Барање за пристап до следната информација:

 

1. Листа на кабинетски и надворешни советници на министереот Јетон Шаќири
2. Датум на ангажирање и временски рок на траење на ангажманот односно договорот
3. Висина на хонорар/личен доход
4. Опис на работното место и задачи
5. Предходно работно искуство наведено во CV

 

Доставена информација: Во дневните весници „Слободен печат“ и „Koha“ е објавен оглас за вработување на 1 (еден) Посебен советник за информатичко – комуникациски технологии на определено време, со паричен износ на основната нето плата 50,000 денари. Со решение број 04-3062/3 од 16.09.2020 година е формирана на Комисија за селекција на 1 (еден) посебен советник во кабинетот на министерот за информатичко општество и администрација на определено време. Со записник од комисијата број 04-3062/5 од 18.09.2020 година утврдено е дека е поднесена една пријава и истата е уредна и комплетна. По спроведено интервју со пријавениот кандидат, комисијата за селекција формирана со решение број 04-3062/3 предложида се избере кандидатот Шпетим Љатифи за Посебен советник за информатичко – комуникациски технологии. На ден 18.09.2020 година министерот за информатичко општество и администрација, донесе одлука за вработување на 1 (еден) посебен советник во кабинетот на министерот за информатичко општество и администрација на определено време, каде за посебен советник за информатичко – комуникациски технологии се избира лицето Шпетим Љатифи. Со договор за вработување на определено време 04-3062/7 од 18.09.2020 година, работникот стапува на работа на ден 21.09.2020 година. Работникот работниот однос го заснова на определено време, односно трае најмногу до истекот на мандатот на министерот. Во прилог ви ја доставуваме и неговата биографија, која истиот ја приложи при пријавувањето на огласот. Исто така, ве информираме дека на ден 18.09.2020 во дневните весници „Слободен печат“ и „Koha“ е објавен оглас за вработување на 1 (еден) Посебен советник за медиуми и радиодифузната дејност на определено време, со паричен износ на основната нето плата 50,000 денари. Со решение број 04-3169/4 од 25.09.2020 година е формирана на Комисија за селекција на 1 (еден) посебен советник во кабинетот на министерот за информатичко општество и администрација на определено време. Со записник од комисијата број 04-3169/5 од 29.09.2020 година утврдено е дека е поднесена една пријава и истата е уредна и комплетна. По спроведено интервју со пријавениот кандидат, комисијата за селекција формирана со решение број 04-3169/5 предложида се избере кандидатот Флака Положани за Посебен советник за медиуми и радиодифузната дејност. На ден 30.09.2020 година министерот за информатичко општество и администрација, донесе одлука за вработување на 1 (еден) посебен советник во кабинетот на министерот за информатичко општество и администрација на определено време, каде за Посебен советник за медиуми и радиодифузната дејност се избира лицето Флака Положани. Со договор за вработување на определено време 04-3169/7 од 30.09.2020 година, работникот стапува на работа на ден 01.10.2020 година. Работникот работниот однос го заснова на определено време, односно трае најмногу до истекот на мандатот на министерот. Во прилог ви ја доставуваме и нејзината биографија, која истата ја приложи при пријавувањето на огласот. Во однос на кабинетските службеници, ве информираме дека со решение број 04-2962/1 од 09.09.2020 година, административниот службеник Лаура Идризи вработена во Министерството за информатичко општество и администрација на работно место Советник за креирање политики за управување со човечки ресурси во институциите од јавниот сектор, во Одделение за координација на управувањето со човечки ресурси, во Сектор за развој и управување со човечки ресурси во институциите од јавниот сектор со звање советник, во подгрупата на државни службеници и шифра на работно место УПР0101В01000, се распоредува на работно место Кабинетски службеник - советник за администрација. Истата е вработена во министерството од 2012 година. Согласно член 90 став (1) алинеја 2 и став (4) од Законот за административни службеници, на административниот службеник му се утврдува додаток на плата за посебни услови за работа, односно работа во кабинет и заради специфичните должности и работни задачи и 24-часовната достапност на министерот во чиј кабинет работи му се утврдува додаток на платата во висина од 30% од износот на основната плата, која за нивото на работно место В1- стручен административен службеник од прво ниво (советник) е во нето износ од 26.257 денари. Со решение број 04-3116/1/1 од 15.09.2020 година, административниот службеник Сашо Митев вработен во Министерството за информатичко општество и администрација на работно место Помошник раководител на сектор за развој и управување со човечки ресурси во институциите од јавниот сектор, во Сектор за развој и управување со човечки ресурси во институциите од јавниот сектор, со звање помошник раководител на сектор и шифра на работно место УПР0101Б03000, во подгрупата државни службеници, се распоредува на работно место Кабинетски службеник - советник за управување со човечки ресурси. Истиот е вработен во министерството од 2011 година. Согласно член 90 став (1) алинеја 2 и став (4) од Законот за административни службеници, на административниот службеник му се утврдува додаток на плата за посебни услови за работа, односно работа во кабинет и заради специфичните должности и работни задачи и 24-часовната достапност на министерот во чиј кабинет работи му се утврдува додаток на платата во висина од 30% од износот на основната плата, која за нивото на работно место Б3- раководен административен службеник од трето ниво (Помошник раководител на сектор) е во нето износ од 32.866 денари. Барање за пристап до следната информација:

 

1. Податоци за вкупниот број на вработени лица во Министерство за информатичко општество и администрација, сегрегирани по пол за 2019 година?
2. Податоци за бројот на вработени кои се на раководни работни места во Министерство за информатичко општество и администрација, сегрегирани по пол за 2019 година?

1. Податоци за бројот на вработени кои се на нераководни работни места во Министерство за информатичко општество и администрација, сегрегирани по пол за 2019 година?
2. Податоци за бројот на вработени Роми во Министерство за информатичко општество и администрација, сегрегирани по пол за 2019 година?
3. Податоци за бројот на вработени Роми кои се на раководни работни места во Министерство за информатичко општество и администрација, сегрегирани по пол за 2019 година?

 

Доставена информација: Во Министерството за информатичко општество и администрација заклучно со 31.12.2019 година, вкупно вработени на определно и неопределено време биле 209 лица од кои: Мажи -135 Жени – 74 Во Министерството за информатичко општество и администрација заклучно со 31.12.2019 од вкупно 16 раководни лица 11 се жени, 5 се мажи. Во Министерството за информатичко општество и администрација заклучно со 31.12.2019 од вкупно 194 лица вработени на нераководни позиции, мажи: 131, жени: 63. Во Министерството за информатичко општество и администрација заклучно со 31.12.2019 од вкупно 5 вработени роми, 3 лица се од женски пол и 2 лица се од машки пол. Во Министерството за информатичко општество и администрација заклучно со 31.12.2019 од вкупно 5 вработени роми, нема лица кои се вработени на раководна позиција. Барање за пристап до следната информација:

 

1. Гарантирана минимална помош
2. Надоместок заради попреченост
3. Надоместок за помош и нега од друго лице
4. Додаток за домување
5. Eднократна парична помош

 

Доставена информација: На Националниот портал за електронски услуги (е-услуги) по електронски пат може да се поднесе барање и да се добие:

 

1. Потврда за право на гарантирана минимална помош
2. Потврда за право на надоместок заради попреченост
3. Потврда за право на надоместок за помош и нега од друго лице

 

што се е-услуги кои не се однесуваат на остварување на право, односно можност корисник да се стекне со право, туку за издавање на потврда дали еден корисник се стекнал или не со некое право. Напоменуваме дека за сите е-услуги, Националниот портал за е-услуги – uslugi.gov.mk (Порталот) е посредник помеѓу корисниците и институциите, додека за содржината на самиот одговор е надлежна институцијата која ја дава услугата, и во истата Порталот нема увид. Во врска со вашето барање за податоци за услугите:

 

1. Гарантирана минимална помош
2. Надоместок заради попреченост
3. Надоместок за помош и нега од друго лице

 

Ве информираме дека за истите треба да се обратите на Министерството за труд и социјална политика, како одговорно и надлежно министерство, додека за услугите:

 

1. Додаток за домување
2. Eднократна парична помош

 

Надлежна институција се Центрите за социјална работа. Барање за пристап до следната информација:

 

1. Колку онлајн апликации имате процесирано од Пелагонискиот регион (Битола) за горенаведените права во првиот квартал на 2020 година по објавувањето на порталот? Колку од нив се одобрени?(Ве молиме за секое право поединечна бројка).
2. Што се случува доколку граганите поднесат неправилни или во недоволен број на документи?
3. Дали услугите се достапни за лицата со попреченост?
4. Дали услугите се особено проблематични во текот на кризата во однос на редовното работење? Со кои проблеми се соочувате?
5. Дали граганите имаат практични проблеми при добивањето на услугите и какви од која природа?
6. Кои други услуги и права ги давате од областа на социјална заштита ?
7. Дали правата се достапни преку друг портал?
8. Дали сметате дека граганите се задоволни од услугите,на што се жалат и дали се подготвени електронски да аплицираат?
9. Дали сметате дека треба подобрување на услугите и кои се идеите ?
10. Дали се потребни големи вложувања за се зголеми бројот на електронските услуги ?

 

Доставена информација: Во табелата подолу се одговори на Вашите прашања:

 

#	Прашање	Одговор
1	Колку онлајн апликации имате процесирано од Пелагонискиот регион (Битола) за горенаведените права во првиот квартал на 2020 година по објавувањето на порталот? Колку од нив се одобрени? (Ве молиме за секое право поединечна бројка).	За услугите за кои ни се обраќате не постојат е-услуги, па онлајн аплицирање за остварување на петте набројани права не е можно на Порталот (uslugi.gov.mk)...
2	Што се случува доколку граѓаните поднесат неправилни или во недоволен број на документи?	Поединечни детали за процесот на одлучување по едно барање е исклучиво надлежност на институцијата...
3	Дали услугите се достапни за лицата со попреченост?	Сите е-услуги на Порталот се достапни и за лицата со попреченост...
4	Дали услугите се особено проблематични во текот на кризата во однос на редовното работење? Со кои проблеми се соочувате?	За детали за конкретните услуги, Ве известуваме дека треба да се обратите во надлежната институција...
5	Дали граѓаните имаат практични проблеми при добивањето на услугите и какви од која природа?	За детали за конкретните услуги, Ве известуваме дека треба да се обратите во надлежната институција...
6	Кои други услуги и права ги давате од областа на социјална заштита?	Е-услугите од областа на социјалната заштита на Порталот се достапни преку „Пронајди услуга / Нега и социјална помош“...
7	Дали правата се достапни преку друг портал?	Остварување на правата за кои поднесовте барање за податоци... треба да се обратите во надлежната институција...
8	Дали сметате дека граѓаните се задоволни од услугите, на што се жалат и дали се подготвени електронски да аплицираат?	За детали за конкретните услуги, Ве известуваме дека треба да се обратите во надлежната институција...
9	Дали сметате дека треба подобрување на услугите и кои се идеите?	За детали за конкретните услуги, Ве известуваме дека треба да се обратите во надлежната институција...
10	Дали се потребни големи вложувања за се зголеми бројот на електронските услуги?	Да

 

 

Барање за пристап до следната информација: Статистика на одобрени и одбиени акти за систематизација на органи на државна управа и општини од 2015 до 2020 година? Доставена информација: Во 2014 година, беа донесени Законот за административни службеници и Законот за вработените во јавниот сектор и со примена на истите се отпочна во 2015 година. Согласно овие закони сите институции од јавниот сектор имаат обврска да изготват и донесат нови акти за систематизација и внатрешна организација, целосно усогласени со одредбите на споменатите два закони. Министерството за информатичко општество и администрација има законска надлежност да дава согласност на актите на институциите од јавниот сектор, вклучително и за органите на државната и локалната власт, под услов тие да се усогласени со законските одредби. По отпочнување на примената на новите законски решенија во 2015 година, сите органи на државната управа и сите општини имаат доставено акти на усогласување до министерството и имаат добиено првична согласност на актите за систематизација и внатрешна организација од страна на министерството. Законот за вработените во јавниот сектор утврдува дека актите може да се изменуваат и дополнуваат на начин и постапка како и при нивното донесување и согласно оваа законска одредба, Министерството за информатичко општество и администрација врз основа на поднесено барање од страна на институциите, за измена и дополнување на актите за систематизација и внатрешна организација, дава согласност на актите за изменување и дополнување, откако претходно е утврдено дека истите се целосно усогласени со прописите кои ја регулираат областа. Постапката за усогласувањето на актите за систематизација и внатрешна организација се врши преку доставување на истите електронски или хартиено, во зависност од начинот кој го определила институцијата која го поднесува барањето. Откако електронски или хартиено ќе бидат доставени актите, од страна на Министерството за информатичко општество и администрација електронски, или хартиено се даваат насоки за постапување и целосно усогласување на актите со одредбите од Законот за вработените во јавниот сектор, Правилник за содржината и начинот на подготовката на актите за внатрешна организација и систематизација на работните места, како и содржината на функционалната анализа на институциите на јавниот сектор и Каталогот на работни места во јавниот сектор. Од горенаведеното произлегува дека Министерството за информатичко општество и администрација дава поддршка на институциите во насока на усогласување на нивните акти со законските одредби и не постои законски основ за носење на акти за одбивање, односно институцијата по целосно усогласување на актите со прописите кои ја регулираат областа добива согласност по истите. Доколку доставените документи не се усогласени со прописите кои ја регулираат областа, односно Законот за вработените во јавниот сектор, Законот за административните службеници, Правилникот за содржината и начинот на подготовката на актите за внатрешна организација и систематизација на работните места, како и содржината на функционалната анализа на институциите на јавниот сектор и Каталогот на работни места во јавниот сектор, Министерството за информатчко општество и администрација до институцијата доставува соодветни укажувања, електронски или хартиено. Барање за пристап до следната информација:

 

1. Дали Агенцијата за млади и спорт заклучно со 31.01.2020 година ја има доставено ранг листата со оценки за административните слуќбеници за 2019 та година? Доколку ја има, доставете ја во копија.
2. Дали Агенцијата за млади и спорт има доставено план за вработување за 2020 година кој се однесува на месец ноември предходната година? Доколку има доставете го во копија.
3. Која е казната согласно Закон доколку не се доставени Ранг листа со оцени и план за вработување?

 

Доставена информација: Агенцијата за млади и спорт нема доставено Годишен извештај со ранг листа на годишни оценки на административните службеници за 2019 година, исто така Агенција за млади и спорт нема доставено Годишен план за вработување за 2020. Согласно член 65 став (17) од Законот за администартивни службеници Секретарот, односно раководното лице на институцијата во која не се назначува секретар е должен да подготви и најдоцна до 31 јануари до Министерството да достави извештај со ранг-листа на годишни оцени за сите оценети административни службеници во институцијата за тековната година. Во член 101 став (3) алинеја 7 од Законот за административни службеници наведено е дека Глоба во износ од 3.500 до 7.000 евра во денарска противвредност ќе му се изрече на секретарот, односно на раководното лице на институцијата во која не се назначува секретар ако не достави до Министерството извештај со ранг-листа на годишни оцени за сите административни службеници во институцијата, спротивно на членот 65 став (17) од овој закон. Соглано член 46 став (1) алинеја 3 од Законот за вработени во јавен сектор глоба во износ од 2.000 до 3.000 евра во денарска противредност ќе му се изрече за прекршок на функционерот кој раководи со институцијата, ако: не го донесе годишниот план за вработување или ако спроведе постапка за вработување без годишен план, согласно член 20 а став (1) од овој закон. Барање за пристап до следната информација: Во периодот од 2017 до 2019 година, дали Министерството за информатичко општество имало отворени повици за доделување на средства за здруженија на граѓани? На колку здруженија има доделено средства за активности и проекти, да се наведат имињата на здруженијата? Доставена информација: Министерството за Информатичко општество и администрација во периодот од 2017 до 2019 година, нема доделено средства за активности и проекти, односно нема отворени повици за доделување на средства за здруженија на граѓани. Барање за пристап до следната информација: Податоци за вкупниот број на вработени и вкупен број Роми според назив во сите институции во јавниот сектор, јавни установи, државни органи, агенции, бироа, комисии, дирекции, судови, јавни обвинителства, јавни претпријатија, општини, како и други тела формирани од страна на државните органи за 2019 –та година? Доставена информација: Министерството за информатичко општество и администрација во прилог ги доставува бараните податоци за вкупниот број на вработени и вкупен број Роми според назив во СИТЕ ИНСТИТУЦИИ ВО ЈАВНИОТ СЕКТОР , јавни установи, државни органи, агенции, бироа, комисии, дирекции, судови, јавни обвинителства, јавни претпријатија, општини (ЕЛС) како и други тела формирани од стана на државните органи за 2019та година, изразени по образование на вработените и пол, врз основа на податоците за пополнети работни места во институции од јавниот сектор објавени во Годишниот извештај за податоците од Регистарот на вработените во јавниот сектор за 2019 година, а кои се резултат на вкрстена анализа и размена на податоци од евиденцијата на Министерството за информатичко општество и администрација со податоците од Агенцијата за вработување на Република Северна Македонија, Управата за јавни приходи, Фондот на пензиското и инвалидското осигурување на Северна Македонија и Фондот за здравствено осигурување на Република Северна Македонија. Барање за пристап до следната информација: Согласно која методологија се врши идентификација на релевантни партнери од граѓанските организации за вклучување во потсекторска работна група за реформа на јавна администрација? Доставена информација: Првичната идентификација на релевантни партнери од граѓанските организации за вклучување во потсекторската работна група за РЈА започна во 2015 година со јавен повик објавен од страна на Секретаријатот за европски прашања, во кој сите граѓански организации имаа можност да се произнесат во кои области дејствуваат или имаат интерес. Согласно тоа од страна на СЕП беше доставена листа од организации кои пројавиле интерес за потсекторот Реформа на јавна администрација. Министерството за информатичко општество и администрација обезбедува инклузивност во целиот процес на реформата на јавната администрација, односно од самата иницијатива за изготвување на стратегијата за реформа на јавна администрација преку јавен повик за работен состанок со невладиниот сектор на 13 април 2016 година, која продолжи со консултативна работна средба за демократски реформи во јавната администрација меѓу претставници од МИОА, граѓански организации и експерти, претставници од меѓународната заедница, синдикати и медиуми одржана во јуни 2017 година. По средбата исто постоеше повик за доставување на коментари во однос на нацрт стратегијата за реформа на јавна администрација, која во суштина претставува стратешка рамка за целиот сектор и е еден од петте клучни критериуми за воспоставување на секторски пристап (http://mioa.gov.mk/?q=mk/node/1339) Соработката продолжува и со јавни повици за одржување на консултативни средби во однос на извештаите за спроведување на акцискиот план за реформа на јавна администрација. Земајќи предвид дека бројот на граѓански организации кои имаат интерес за реформата на јавната администрација не е голем, потсекторската работна група нема потреба од методологија за селекција на граѓански организации. Барање за пристап до следната информација: Дали барањето за вклучување претставници во секторската работна група за реформа на јавна администрација беше објавено некаде? Доколку да, доставете ни информација каде беше објавено барањето? Доставена информација: Првичната идентификација на релевантни партнери од граѓанските организации за вклучување во потсекторската работна група за РЈА започна во 2015 година со јавен повик објавен од страна на Секретаријатот за европски прашања, во кој сите граѓански организации имаа можност да се произнесат во кои области дејствуваат или имаат интерес, по што од страна на СЕП беше доставена листа на граѓански организации кои изразиле интерес за учество во работната група за Реформа на јавната администрација. Воедно, за сите одржани консултативни средби и работни состаноци беа објавени засебни повици почнувајќи од самата изготовка (http://mioa.gov.mk/?q=mk/node/1339). Барање за пристап до следната информација: Доставете ни информација за моменталниот број на пополнети работни места во ИПА секторот/одделението, поделени по звања согласно позитивната законска рамка? Доставена информација: Во Одделение за ИПА фондови систематизирани се вкупно 9 работни места со 10 извршители од кој моментално 4 се пополнети. Барање за пристап до следната информација: Доставете ни ја последната донесена систематизација на работни места на Министерството Доставена информација: Правилникот за работни места на Министерството за информатичко општество и администрација е јавно достапен и објавен на веб страницата на министерството, и истиот може да се преземе на следниот линк:http://mioa.gov.mk/?q=mk/node/1269. Барање за пристап до следната информација: 1.Колку изнесува буџетот на МИОА за отворање центари Една Точка на Услуги за 2021 година? 2.Кои се најбарани услуги на граѓаните од веќе отворените центри Една Точка на Услуги во Скопје, Тетово и Куманово? 3.Дали овој процес ЕТУ е во согласност со СИГМА принципи? Доставена информација: Буџетот на МИОА за отворање центари Една Точка на Услуги за 2021 година изнесува 3.5 милиони денари. Најбарани услуги на граѓаните од веќе отворените центри Една Точка на Услуги во ЕТУ Скопје извод од матична книга на Родени и Извод од Матична книга на умрени. Во ЕТУ Куманово и ЕТУ Тетово, најбарани услуги се услугите од Агенција за Вработување.https://etu.uslugi.gov.mk/pages/etu-uslugi. Отворањето на ЕТУ центрите е во согласност со стратегијата за реформа на јавна администрација, која е во согласност со СИГМА принципите.

Барање за пристап до следната информација:

Доставена информација:

 

Одговор на Вашето прашање под реден број 1: 

Во ЕТУ Битола – ќе работат 6 лица, додека во ЕТУ Охрид 4 лица.

 

Одговор на Вашето прашање под реден број 2: 

Во моментот се прават обуки на лицата што треба да работат во овие два ЕТУ центри, конкретен датум ќе се објави на веб страницата на МИОА.

 

Одговор на Вашето прашање под реден број 3: 

Согласно пописот извршен 2002 година. Барање за пристап до следната информација:

1.Бројот и видот на услуги кои ги нудат отворените центри Една точка на услуги во Скопје, Тетово и Битола, за сите поединечно?

2. Колку од услугите што се нудат центрите една точка на услуги во Скопје, Тетово и Куманово се електронски продукти, за секој центар ЕТУ поединечно Доставена информација:

Одговор на Вашето прашање под реден број 1: На веб страната на Една Точка за услуги се наведени услугите кои се овозможени во ЕТУ Куманово, истите услуги се овозможени во ЕТУ Тетово, а истите ќе бидат овозможени и во ЕТУ Битола и ЕТУ Охрид. https://etu.uslugi.gov.mk/pages/etu-uslugi 

 

Одговор на Вашето прашање под реден број 2: На веб страната услугите дефинирани како „Посредување за е-услуги“ се електронски кои може да се остварат во ЕТУ центрите https://etu.uslugi.gov.mk/pages/etu-uslugi. Барање за пристап до следната информација:

1.Во градови кои се со помалку од 25 илјади население но се десеттици километри одалечени од поголемите градови низ државата во кои засега не е планирано отворање центри - Една Точка на Услуги. Голем дел од овие мали градчиња се туристички, но и бизнис ориентирани, и, имаат голема потреба од брзи, квалитетни административни услуги од државата.

2.Дали има некој краткорочен или долгорочен план, да се отворат центри ЕТУ? Доставена информација: Воспоставувањето на ЕТУ центри во сите општини со имплементирање на едношалтерски принцип за функционирање на истите е цел на МИОА кон која стратешки е ориентирано министерството, а сето тоа е можно и се одвива паралелно со зголемувањето и развивањето на дигиталните односно електронските услуги кои ги даваат институциите. Во ЕТУ центрите шалтерските работници од МИОА само посредуваат и помагаат на граѓаните да остварат услуги кои ги даваат останатите институции. Барање за пристап до следната информација:

1.Кој е моменталниот број на вработени во центарот Една точка на услуги во Куманово?

2.Од министерот за информатичко општество и администрација беше најавено дека ќе се отвори центар една точка на услуги во градот Струга, колку вработени се планира во овој центар, и дали почнаа со обуката пред вработувањето?

3.Дали е обезбедена локацијата за новиот центар една точка на услуги во Струга? Доставена информација: Одговор на Вашето прашање под реден број 1: Во ЕТУ Куманово вработени се 6 лица како шалтерски службеници, со оглед дека има 3 шалтери односно бироа. Одговор на Вашето прашање под реден број 2: Во моментот кога ќе биде утврдена точната локација, врз основа на можноста за поставување на точен број на шалтери односно бироа за услуги, ќе се дефинира бројот на вработени шалтерски службеници Одговор на Вашето прашање под реден број 3: Во моментот се разгледува која би била нај соодветна локација, од неколку можни локации кои може да бидат дадени од страна на ЕЛС за воспоставување на ЕТУ центар во Струга. Барање за пристап до следната информација: 1.Дали има одлука за работната група за проектни активности во МИОА да биде како посебен сектор во МИОА? 2.Колку членови ја сочинуваат работната група во МИОА за проектот една точка на услуги? Доставена информација: Одговор на Вашето прашање под реден број 1: Во моментот се подготвува функционална анализа врз основа на која треба да се направи измена на систематизацијата во МИОА, со крајна цел да се формира Сектор во МИОА кој ќе ги менаџира ЕТУ центрите. Одговор на Вашето прашање под реден број 2: Работните групи најчесто се составени од по тројца членови од МИОА, во зависност од активноста дали е за софтверскиот дел, дали е за ИТ опремата или за подготовка на деловните локации. Барање за пристап до следната информација: 1.Во програмата на владата за 2021 година за проектот една точка на услуги е наведен месец јуни, дали во јуни ќе се носи некаква одлука на седница на влада и што конкретно? 2.Дали ќе биде потребно усогласување на некоја законска регулатива- измена или надополнување, поврзана со проектот отворање центри - Една точка на услуги? Доставена информација: Одговор на Вашето прашање под реден број 1: Во текот на месец Јуни, ќе биде доставена Информација за информирање на Владата за текот на реализацијата на проектот, и ќе бидат предложени неколку заклучоци кои се во насока на воспоставување на нов ЕТУ центар во Струга, но и заклучоци кои се однесуваат за надградба на системот за редослед на клиенти, системот за резервирање термин за услуга, и системот за оценување на шалтерските службеници. Одговор на Вашето прашање под реден број 2: За ЕТУ центрите веќе постои законска регулатива, која се следи континуирано со цел подготовка на анализи дали може истата да се подобрува доколку со тоа може да се подобри работата во ЕТУ центрите. Донесени закони и подзаконски акти поврзани со функционирањето на ЕТУ: - Закон за електронско управување и електронски услуги, објавен во службен весник на РМС, бр.98 од 21.05.2019 година - Правилник за распределбата и формирањето на надлежните органи во административни канцеларии во Една точка за услуги, објавен во службен весник на РМС, бр.260 од 18.12.2019 година - Правилник за начинот на постапување на посредниците како и образецот на договорот помеѓу посредникот и корисникот на електронската услуга, објавен во службен весник на РМС, бр.244 од 26.11.2019 година - Правилник за начинот на проверка на идентитетот на корисникот при поднесувањето на барањето по електронски пат со користење на единствената околина, објавен во службен весник на РМС, бр.244 од 26.11.2019 година - Правилник за начинот за електронско плаќање за административните услуги кои се обезбедуваат по електронски пат, објавен во службен весник на РМС, бр.244 од 26.11.2019 година - Упатство за примена и спроведување на техничките и организациските мерки за обезбедување на тајност и заштита на обработката на личните податоци при регистрација на корисниците во системот за единствена најава од страна на посредниците за административни услуги по електронски пат, заведено во архивата на МИОА под арх. бр. 11/1-5160/2 од 24.10.2019. Барање за пристап до следната информација: 1.Дали имате посебни барања од општини за нужноста за отворање на центр една точка на услуги, и од кои општини? 2.Кои се имињата на двете општини што ќе бидат отворени центри една точкна на услуги до крајот на 2021 година? 3.Дали ќе се запазува правичната застапеност, на идните вработени во новите центри една точка на услуги, плус мерит системот на заслуги на квалитет, стручност, компетентност? 4.Кој ја извршува/спроведува обуката на идните вработени во центрите Една точка на услуги? Доставена информација: Одговор на Вашето прашање под реден број 1: Согласно стратегијата најпрво планирано е отворање на ЕТУ центри во сите општини над 25.000 жители. Согласно соработката со ЕЛС, деловните простории ќе бидат обезбедувани согласно можностите на самите општини, додека МИОА ќе биде задолжена да ги прилагоди реновира ако има потреба и адаптира согласно визуелниот концепт за ЕТУ, да ангажира вработени и да обезбеди услови за функционирање. Одговор на Вашето прашање под реден број 2: До крајот на 2021 година е планирано отворање на ЕТУ центри во Битола, Охрид, Струга , а се анализираат и останати можности во соработка со повеќе ЕЛС, со цел да може да се отворат дополнителни ЕТУ во текот на 2021 година. Одговор на Вашето прашање под реден број 3: Имајќи ги во предвид и реалните потреби се со цел да се доближат услугите до граѓаните и во моментот се внимава на правична застапеност, а дополнително при ангажирањето направено е интервју со вработените а исто во континуитет се обезбедуваат и обуки за нивно усовршување. Одговор на Вашето прашање под реден број 4: Во зависност од различните области , во делот на користењето на софтверските решенија , обуките се прават директно од Изведувачите на софтверските решенија, но го имаме воспоставено и принципот Train-the-Trainer, односно обучени лица од редот на МИОА, кои го пренесуваат знаењето на останатите шалтерски службеници. Барање за пристап до следната информација: 1.Кој е моменталниот број на вработени во центарот Една точка на услуги во Скопје? 2.Кој е моменталниот број на вработени во центарот Една точка на услуги во Тетово? Доставена информација: Одговор на Вашето прашање под реден број 1: Центарот за услуги ЕТУ Скопје, функционира различно од останатите центри, односно функционира сеуште по принципот на дисперзирани шалтери од институции кои имаат најбараните услуги за граѓаните. Во ЕТУ Скопје, Управата за водење на матичните книги има 7 шалтери, Агенција за вработување на Република Северна Македонија има 1 шалтер, Пензиско и инвалидско осигурување на Северна Македонија има 1 шалтер, Централен регистар на Република Северна Македонија има 1 шалтер, Фонд за здравствено осигурување на Северна Македонија има 1 шалтер, Управа за јавни приходи има 1 шалтер, Министерство за внатрешни работи има 1 шалтер, Министерство за информатичко општество и администрација има 2 шалтери. Со оглед во оваа деловна просторија се лоцирани и скопската единица на УВМК, бројот на вработени е поголем поради наведените причини, инаку во однос на бројот на шалтерските работници, е согласно бројот на шалтерите. Одговор на Вашето прашање под реден број 2: Центарот за услуги ЕТУ Тетово работи во две смени, и има 8 вработени, односно по 4 вработени на смена. Барање за пристап до следната информација: Дали Министерството за информатичко општество и администрација изработи Годишен оперативен план за имплементација на НАП-от за ИК за 2020 и 2021 година? Доколку да, дали се достапни на веб страната? Ве молиме доставете ги или прикачете линк од нивната објава. 2.Согласно Годишниот оперативен план, ве замолуваме да ни доставите известување дали се спроведени сите активностите предвидени во истиот? 3.За активностите кои се спроведени, ве молиме да ни доставите детални информации за начинот на спроведување, вкучени актери (доколку има) и статус на активноста (завршена или ако е во тек кога е предвидено да се заврши). 4. Доколку некои од предвидените активности за 2019/2020 и заклучно со мај 2021 година не се спроведени согласно годишниот оперативен план, ве замолуваме да ни доставете? Доставена информација: Одговор на вашето прашање под реден број 1: Министерството за информатичко општество и администрација нема Годишен оперативен план за имплементација на НАП-от за ИК за 2020 и 2021 година, бидејќи согласно НАП за ИК активностите се планирани за 2018 и 2019 година. Одговор на вашето прашање под реден број 2: Министерството за информатичко општество и администрација согласно активностите предвидени во НАП за ИК, а согласно надлежностите утврдени и во Законот за организација и работа на органите на државната управа, е одговорно за Законот за медиуми и Законот за аудио и аудио визуелни медиумски услуги. Во врска со предложените активности во Акцискиот план кои се однесуваат на измени и дополнувања на Законот за медиуми, а кои во НАП се предвидени за 2019 година, истите не се отпочнати. Одговор на вашето прашање под реден број 3: Што се однесува до предложените активности кои се однесуваат на измени и дополнувања на Законот за аудио и аудиовизуелни медиумски услуги, Ве известуваме дека се објавени во Службен весник на РМ бр. 27/19 од 05.02.2019 година. Од тие причини активноста се смета за реализирана. Одговор на вашето прашање под реден број 4: Активностите дефинирани во Акцискиот план кои се однесуваат на измени и дополнувања на Законот за медиуми со основите за род, родов идентитет, сексуална ориентација (алтернативно усогласување со основите од ЗСЗД), а кои во НАП се предвидени за 2019 година, не се отпочнати, ниту пак во моментов можеме да утврдиме рок за нивно отпочнување. Ова, од причина што Законот за медиуми, вклучително и неговите измени и дополнувања, засегаат материја за којашто иницијативите потекнуваат од многу други релевантни учесници во процесот, како што се медиумските работници и новинарските здруженија. Истовремено, доколку во наредниот период се пристапи кон измена на Законот за медиуми предложените мерки и активности согласно НАП за ИК ќе бидат вклучени во измените. Барање за пристап до следната информација: Информации во врска со воведувањето на Електронски систем за автоматизација на административни постапки (е-СДП) којшто Владата на Република Северна Македонија планира о крајот на 2021 година да го воведе во најмалку 30% од вкупниот број на органите на државната управа, а до крајот на 2024 во сите органи на држабната управа. Информации од интерес на: Дали всушност гореспоменатиот Електронски систем за автоматизација на административни постапки (еСДП) е еквивалент на Националниот портал за е-услуги? Ако да, дали оваа мерка всушност предвидува дека во тие 30% од институциите сите административни постапки ќе станат електронски? Дали еСДП овозможува за дадена процедура да се види до каде е истата, кој од институцијата е одговорен за неа, како и да се оценуваат перформансите на вработените? Ако да, кој би бил текот на една таква активност? Доставена информација: Одговор на вашето прашање под реден број 1: Не, еСДП системот е само модул од Националниот портал за е-услуги и само еден од каналите за иницирање на административни постапки/услуги од граѓаните до институцијата. Одговор на вашето прашање под реден број 2: Да, тоа претставува основната цел на Електронскиот систем за автоматизација на административните постапки Подетален опис на платформата еСДП е следниот: Платформата претставува унифициран информативен систем со кој се организира работата на сите државни и јавни службеници во земјата ангажирани во процесот на испорака на јавни услуги преку кој било од тековните канали за испорака (поштенски, лично, преку Интернет) и / или преку какви било идни канали како мобилни или други иновативни канали за испорака. Информацискиот систем овозможува автоматизација на тековните активности и овозможува на органот / раководителот на секторите / единиците да го следат целиот процес во рамките на институцијата и / или други институции. Уредувањето и организирањето на административната работа на јавните институции во процесот на испорака на јавна услуга за понатамошно запознавање со овој информативен систем овозможува детално следење на перформансите на ниво на институција/сектор/вработен при испорака на административната услуги, со што значително придонесуваат за поефикасно спроведување на правната рамка за јавната администрација. Со собраните историски податоци и следењето на процесите во реално време се овозможува следното:

 

• Подобрување во планирањето на институционалниот и човечкиот капацитет за вршење инспекции и испорака на јавни услуги;
• Воведување на измени во постојните процеси на јавни услуги за поефикасна и поефективна дистрибуција на протокот на работа на таков начин за да се обезбеди оптимална испорака на капацитетот на јавната администрација;
• Овозможува проактивен пристап кон побарувачката на услуги заради сезонски потреби, пазарно водени настани, правни реформи или други настани што можат да влијаат на зголемената или намалената побарувачка за јавните услуги;
• Се воведува планирање на капацитетите при испорака на јавни услуги по услуги, институции и / или сектори;
• Се подобрува регулаторната реформа и се намалува административниот товар на деловниот сектор со користење на напредна аналитика на деловна интелигенција при испорака на јавни услуги;
• Се создаде унифицирана работна околина за сите административни работи на државните службеници при испорака на јавни услуги без оглед на каналот за испорака;
• Се овозможува правична и објективна проценка на работата на државните службеници вклучени во испораката на јавните услуги и инспекторите.

 

Барање за пристап до следната информација: Информации во врска со воведувањето на Електронски систем за автоматизација на административни постапки (е-СДП) којшто Владата на Република Северна Македонија планира о крајот на 2021 година да го воведе во најмалку 30% од вкупниот број на органите на државната управа, а до крајот на 2024 во сите органи на држабната управа. Информации од интерес на:

 

• Листа на автоматизирани постапки и во која институција (орган) се направени истите.

 

Листа на органи на државната управа во кои е воведен електронски систем Доставена информација: Одговор на вашето прашање под реден број 1: Листата на дигитализирани постапки и институцијата која ги дава услугите е: Министерство за образование и наука:

 

1. Запишување на дете во прво одделение во основно училиште
2. Одобрение за Давател на обуки за дигитални вештини
3. Издавање на ваучери на млади лица за обуки за дигитални вештини
4. Издавање на решение за втор циклус студии
5. Издавање на решение за прв циклус на студии
6. Издавање на решение за трет циклус докторски студии
7. Одобрение за Давател на обуки за дигитални вештини
8. Признавање и еквиваленција на свидетелства за основно образование стекнати во странство
9. Решение за нострификација и еквиваленција на свидетелства и диплома за средно образование стекнати во странство

 

Министерство за труд и социјална политика:

 

1. Потврда за право на гарантирана минимална помош
2. Потврда за право на надоместок заради попреченост
3. Потврда за право на надоместок за помош и нега од друго лице
4. Потврда за право на надоместок на плата за скратено работно време
5. Потврда за право на траен надоместок
6. Потврда за користење на право на детски додаток
7. Потврда за корисници на право на социјална сигурност за стари лица
8. Потврда за користење на додаток за образование
9. Потврда за додаток за образование- студирање
10. Потврда за користење на право на родителски додаток за дете (за трето дете)
11. Потврда за користење на право на посебен додаток

 

Влада на Република Северна Македонија:

 

1. Пријавување на интерес од страна на компании за субвенционирање на граѓаните со високоефикасни инвертер клима уреди за потребите на домаќинствата

 

Напомена, некои од услугите се достапни периодично, а согласно законската регулатива. Одговор на вашето прашање под реден број 2:

 

1. Агенција за регулирање на железничкиот сектор
2. Министерство за транспорт и врски - Државен комунален инспекторат
3. Министерство за транспорт и врски
4. Министерство за образование и наука
5. Министерство за труд и социјална политика
6. Министерство за здравство
7. Дирекција за радијациона сигурност
8. Агенција за храна и ветеринарство

 

Барање за пристап до следната информација: 1.Која е просечната возраст на вработените во центар една точка на услуги во Скопје? 2.Која е просечната возраст на вработените во центар една точка на услуги во Тетово? 3. Која е просечната возраст на вработените во центар една точка на услуги во Куманово? 4. Која е просечната возраст на вработените во центар една точка на услуги во Битола? 5. Колкава е застапеноста на младите, дали има или се размислува да се вработи млад, калитетен и обучен кадар во сегашните, но и, идни центри една точка на услуги? Доставена информација: Одговор на Вашето прашање под реден број 1: 31.6 Одговор на Вашето прашање под реден број 2: 32 Одговор на Вашето прашање под реден број 3: 33 Одговор на Вашето прашање под реден број 4: 37.5 Имајќи го предвид фактот дека нашиот персонал е прилично млад, можеме да кажеме дека застапеноста на младите во центрите Една точка за услуги е на задоволително ниво. Возраст на нашите вработени од 19 до 45 години. Наша цел е да го комбинираме искуството на постарите вработени со енергијата на нововработените, да бидеме што е можно поефикасни на работа и да создадеме задоволителна работна атмосфера. Барање за пристап до следната информација: Кој е бројот и видот на услугите кои се нуди во центарот ЕТУ Битола, колку услуги се нудат како електронски продикти? Доставена информација: На овој линк во точката „Посредување за е-услуги“, може да ги видите сите услуги кои може да се остварат на еден шалтер, во локациите Една Точка за Услуги во градовите Куманово, Тетово, Битола и наскоро во Охрид. https://etu.uslugi.gov.mk/pages/etu-uslugi Барање за пристап до следната информација: Кој е бројот и видот на услугите кои се нуди во центарот ЕТУ Тетово, колку услуги се нудат како електронски продукти? Доставена информација: На овој линк во точката „Посредување за е-услуги“, може да ги видите сите услуги кои може да се остварат на еден шалтер, во локациите Една Точка за Услуги во градовите Куманово, Тетово, Битола и наскоро во Охрид.https://etu.uslugi.gov.mk/pages/etu-uslugi

 

1.Основни податоци за контакт со службеното лице за посредување со информации

2. Податоци од надлежности кои ги извршува институцијата, односно кои и се утврдени со закон

3. Основни податоци за контакт на институцијата (www.mioa.gov.mk)

4. Податоци за функционерот, односно одговорното лице на институцијата:

• • Министер
  • Заменик министер

5. Основни податоци за контакт со лице овластено за заштитено внатрешно пријавување

6. Список на лица вработени во институцијата со позиција, службен е-маил и службен телефон

7. Закони кои се однесуваат на надлежноста на институцијата, поврзани со регистарот на прописи објавени во службеното гласило

8. Прописи што во рамките на својата надлежност ги донесува институцијата во вид на подзаконски акт: (правилник за внатрешна организација, правилник за систематизација на работните места, правилник за заштитено внатрешно пријавување и друго), уредби, наредби, упатства, планови, програми, решенија и други видови акти за извршување на законите и други прописи, кога за тоа се овластени со закон:

• • Правилник за внатрешна организација на институцијата
  • Правилник за систематизација на работните места-МДТ
    • Правилник за систематизација на работните места - консолидиран текст
  • Извештај од функционалната анализа во министерството за информатичко општество и администрација
  • Правилник за заштитено внатрешно пријавување во институциите во јавниот сектор
  • Правилник за насоки за донесување на внатрешни акти за заштитено внатрешно пријавување во правното лице во приватниот сектор
  • Упатство за прием на пријави од укажувачи, издвојување и обработка на податоците од пријавите и обезбедување на заштита на личните и други податоци на укажувачите
  • Правилници за заштита на лични податоци
  • Годишни програми за генерички обуки на административните службеници

9. Органограм за внатрешна организација на институцијата

10. Стратешки планови и стратегии за работа на институцијата

11. Годишни планови и програми за работа на институцијата

12. Годишен Буџет и завршна сметка на институцијата

13. Годишни финансиски планови по квартали и програми за реализација на буџетот на институцијата

14. Ревизорски извештаи

15. Видови услуги кои ги дава институцијата

16. Тарифници за надоместоци за издавање на реални акти

17. Целокупна документација за јавните набавки, за концесиите и за договорите за јавно - приватно партнерство

18. Предлог на програми, ставови, мислења, студии и други слични документи кои се однесуваат на актите од надлежноста на институцијата

• • • Програми
    • Антикорупциска програма со акциски план

19. Соопштенија до јавноста за работи преземени од интернет страницата на институцијата во согласност со законските надлежности, информативни билтени, службени гласила и друго

20. Извештаи за работа на институцијата кои ги поднесува до органите надлежни за спроведување контрола и надзор

21. Статистички податоци за работата, како и други информации, акти и мерки со кои се влијае на животот и работата на граѓаните и кои произлегуваат од надлежноста и работата на имателот на информации:

• • Годишен извештај од регистарот на вработените во јавниот сектор:

    • Годишен извештај од регистарот на вработените во јавниот сектор 2021 години

    • Годишен извештај од регистарот на вработените во јавниот сектор 2020 година

    • Годишен извештај од регистарот на вработените во јавниот сектор 2019 година

    • Годишен извештај од регистарот на вработените во јавниот сектор 2018 година

    • Годишен извештај од регистарот на вработените во јавниот сектор 2017 година

    • Годишен извештај од регистарот на вработените во јавниот сектор 2016 година

  • Информационен систем за управување со човечки ресурси

22. Други информации кои произлегуваат од надлежноста и работата на институцијата